就咁聽到「福祿湯」呢個名,可能唔少史友第一時間會諗到底係啲咩美食,之不過其實呢個名背後係有一段相當血腥嘅歷史,阿史今次就同大家講一講啦!
要介紹「福祿湯」就要由明朝萬曆皇帝嘅第三子朱常洵講起。朱常洵出生於萬曆十四年,係萬曆皇帝本來最為痛愛嘅一個兒子。喺《皇明祖訓》立儲原則之下,其實萬曆皇帝就只能夠冊立王恭妃所生長子朱常洛為太子,但佢一心就想冊立朱常洵。為此萬曆皇帝被眾大臣極力反對,而佢亦都怠政以示抗議。
咁同「福祿湯」又有咩關係呢?原來喺崇禎年間李自成起兵造反,當時攻破洛陽之後,就活捉朱常洵,將朱常洵剝光塗上配料加上幾隻梅花鹿一齊施以「烹刑」,「福祿湯」就係咁樣嚟喇!由於受此刑嘅人都會因為內臟被嚴重燙傷而死,所以朱常洵係死得相當痛苦。
原圖嚟自網絡
評論:
共0 條評論